Maktubu dɨ ka dwar̰ɨ
Jonas i aba cɨmə Mãr̰ĩ bɨw. Me dusɨw wun ya dɨnə Mãr̰ĩ duwa de bədə! Mana gɨ Mãr̰ĩ wayɨw ba an̰ju ba hana waynagɨ nare nə ciri dɨ Ninib lə gwale mwom da, an̰ji wà daa. Me wà dara na mo? Jonas i gun gɨ Israyel me, nare nə Ninib i woni mar̰ande day. An̰ji ùr dara Mãr̰ĩ ba àlnagɨ̀ wamani me kalna dusɨw hɨlalna dɨdəgɨ lə bədə.
Ta di me, an̰ji nagɨ mana gɨ bɨrwa gɨ gecheyə dara hára nɨm bam hən̰ gɨ Ninib di. (Dara cilanga gɨ kuray gɨ geche da, nare nə wála gɨ ta dɨ lə di pɨl bɨrwa gɨ geche gɨ nem laya nare nan̰ me mani day nə kenge nan̰ me ca.) Me Mãr̰ĩ kal Jonas nem wàa daa bədə. ꞌYan̰a lə da, an̰ji yɨ gwale gɨnə Mãr̰ĩ duwa me ha ála berni mana gɨ Ninib. Nare nə Ninib co dɨrəgɨ Mãr̰ĩ dɨwə me, Mãr̰ĩ àlgɨ wamani bədə me. Mwom da, Jonas dusɨw mendɨ Mãr̰ĩ dɨwə.
Maana dɨnə Jonas duwa da, gɨlndɨ dara dusi dɨ lade dɨnə Mãr̰ĩ duwa da, ꞌyen̰ gɨ nare nə Israyel mɨra bədə. An̰ji ùr i nare pad, ùr ba a kal dusɨw hɨlal mana gɨ nare nə cwara i gɨdawə me kal àcn̰a day bam di.
Gwale gɨ mana gɨ maktubu dwar̰ɨ lə
- Jonas gɨn̰ Mãr̰ĩ bɨw bam (chapitɨr 1)
- Jonas amsɨ Mãr̰ĩ mana gɨ dòche nudəwə (chapitɨr 2)
- Jonas àl berni mana gɨ Ninib (chapitɨr 3)
- Jonas dusɨw so me Mãr̰ĩ ɨr̰in̰ɨw (chapitɨr 4)
Les illustrations sur ce site sont de Jim Padgett, © 1984 Sweet Publishing, Ft Worth TX, and Gospel Light, Ventura CA.
