Maktubu dɨ ka dwar̰ɨ
Markɨ da, i woni gɨrsə gwale gɨnə Jesu duwa nə mwaj dii sɨr gun day bədə, me an̰ji àl giyə nan̰ i gɨ paja nənə Jesu duwa nə Pol day gɨ Piyer. I Piyer me wayɨw gwale di me, anji jangɨw nɨm dodə. Janga duwa di da, ɨrmə duwa nan̰ i nare nə kɨretiye nə gɨndəgɨ i nare nə Juwib bədə dɨdəgɨ lə. Markɨ gwale duwa gɨ wayɨw pii da, way dara Jesu ba i Mãr̰ĩ gorndɨw, me gɨl dara Jesu ba ùr nare ba ꞌwacn̰ana kaláng ba i wi mo di bədə. (1.1–8.26) Anji ꞌwogɨ sɨw duwa gang ba i «Gun gorndɨw».
Markɨ di gɨl Jesu dwana duwa, way ba Jesu ba so nare nə i mwom daa me, ꞌyor dúndi dɨ àcn̰e bam nare sɨdəgɨ lə me, àl mani nə dan̰a me, way gwale gɨ dwana me ca. (1.14–8.31) Jesu waygɨ woni gɨrsə gwale duwa ba a ha gɨlə dɨrin̰ me ba a ha mara nɨm, me cendi ꞌwocn̰ gwale gɨ ta di gɨndɨw bədə (8.31–10.52).
Ɨr̰ɨ Markɨ way gwale gɨnə Jesu duwa gɨ ha gɨr nɨm mana gɨ Jursalem me nare yɨw nɨm sɨdəgɨ lə ladɨ, cor gechide nənə nare nə Juwib day ɨlɨw. Gɨ ɓengɨw ɓabɨr̰ɨw daa habda gɨ dagɨla sɨwə me, anji mar me, gɨ muw me, anji dɨm daa munɨ lə. Made dɨnə Jesu me dɨmə duwa gɨ daa munɨ lə me gɨl daa pɨden̰yə dara anji ba i Mãr̰ĩ gorndɨw ꞌyang (chapitɨr 11-16).
̩Les illustrations sur ce site sont de Jim Padgett, © 1984 Sweet Publishing, Ft Worth TX, and Gospel Light, Ventura CA.
